Желіде “Илон Маск экобелсенді Грета Тунбергтің Twitter парақшасын бұғаттады” деген дерек тарады. Reuters агенттігі ақпаратты тексеріп көрді.
Алайда материалды жазып жатқанда экобелсендінің парақшасы бұғатталмаған. Ал фактчекерлер Twitter мен Facebook-тегі жазбаларды шолып, ақпаратты алғаш таратқан дереккөзді тапты.
“Бұл — Илон Масктың жасаған ең жақсы істерінің бірі. Жаңа ғана Илон Маск Twitter-де Грета Тунбергті бұғаттады“, – деп жазды әлеуметтік желі қолданушысының бірі. Оған қоса ол бір ресурсқа сілтеме жасаған.
Бірақ түпнұсқа мәтінде мұның шынайы жаңалық емес, сатира екені жазылған.
“Жақсы жұмыс, Илон”, – делінген тағы бір постта. Ол да сатира мазмұнындағы хабар екенін мәлімдеген сайтқа сілтеме көрсеткен.