Массачутс технологиялық институттың ғалымдары жасанды интеллект арқылы қастандық теориямен күресудің әдісін ойлап тапты. Экспериментке түрлі қастандық теориясына сенетін 2190 адам қатысты. Бұл туралы SecurityLab хабарлады.
Эксперимент туралы PsyArXiv-ке жарияланған. Оған қатысқандар қандай қастандық теориясына сенетінін қысқаша айтып берген. Кейін олар бұл ақпараттың қаншалық рас-өтірік екенін тексеріп көрді. Олар жасанды интеллектпен (GPT-4 Turbo) әңгімелесті. Қатысушылар да, жасанды интеллекті де үш аргумент келтірді. Талқылап болған соң, қатысушылардан қастандық теориясына қаншалық сенетіні тағы сұралды.
Жасанды интеллект моделі нақты дәйекке негізделген тура жолды таңдады: жасанды интеллект әңгіменің 83%-інде нақты, дәлелі бар деректерді беріп отырды. Бұл әдістің артықшылығы – жасанды интеллектіде эмоция болмағаны. Бұл адамдар сияқты эмоцияға беріліп, шешім шығарып кетпеуге көмектеседі. Оған қоса бұл әдіс бейтарап талқыны көздейді.
Эксперименттен соң, қатысқандардың қастандық теориясына сенімі 20%-ке төмендеді. Ғалымдар басқа да қастандық теорияларына сенім азайғанын анықтады.