15 желтоқсанда Еуроодақ цифрлық құқық пен қағидаға қатысты декларацияны қабылдады. Құжатқа Еуропалық комиссия төрағасы Урсула фон дер Лейен, Еуропарламент төрағасы Роберта Метсола және Чехия премьер-министрі Петр Фиала қол қойды. Бұл туралы Euronews хабарлады.
Еуропалық комиссияның Еуропадағы цифрлық технологиялар жөніндегі вице-президенті Маргрет Вестагердің айтуынша, декларацияда адамдардың офлайндағы құқығына онлайн да ие екені анық жазылған.
Құжатта алты тарау бар. Онда басқа мәселелермен қатар ЕО азаматтарының интернеттегі құқықтары көрсетілген. Оларға мыналар жатады:
- Қосылу арқылы инклюзив қалыптастыру, цифрлық білім беру;
- таңдау еркіндігі мен әділ цифрлық ортаның маңызын растау;
- цифрлық қоғамдық кеңістікке қатысуды ынталандыру;
- цифрлық ортадағы қауіпсіздікті, әсіресе жастар қауіпсіздігі мен мүмкіндігін кеңейту;
- тұрақтылықты дамыту.
Цифрлы құқықтар мен қағидалар декларациясы 2022 жылғы қаңтарда ұсынылды. Өткен айда Еуроодақ елдері мен Еуропарламент құжат бойынша келісімге келді.
