2023 жылғы 8 қыркүйекте Марокконың Марракеш қаласынан оңтүстік-батысқа қарай 72 шақырым жерде қатты жер сілкініп, салдарынан Атлас тауларының етегіндегі ауылдар жойылды. Екі күннен кейін аймақта қайта жер сілкінді. Апаттан қаза тапқандар саны 2 000-нан астам асты. Қайғылы оқиғадан кейін интернетте жер асты дүмпулері кезінде қираған ғимараттардың видеосы тарай бастады. Сондай роликтің бірі Instagram және TikTok-қа жарияланды. Agence France Press оны тексеріп көрді.
Фактчекерлер видеода 2020 жылы тозығы жеткен ғимараттың құлағаны бейнеленгенін анықтады. Ондағы сипаттамасы араб тілінде жазылған.
Оған қоса InVID-WeVerify құралы арқылы 2020 жылғы тамызда француз жаңалығының репортажын тапты.
Хабарламаға сәйкес, кадрда Марокконың Касабланка қаласында 2020 жылғы тамызда құлаған ғимарат көрсетілген. Бейне YouTubе және X (бұрынғы Twitter) желісіне үш жыл бұрын жарияланған.
Одан кейін Марокко медиалары да үш қабатты ғимараттың қирағаны бейнеленген видеоны жариялаған. Оқиғаға дейін жергілікті билік ғимаратты адам тұруға жарамсыз деп таныған.
Пікір қалдыру үшін өз аккауныңызға кіріңіз.