Ірі технология компаниялары қауіпсіз жасанды интеллект мәселесін шешетін жаңа қауымдастық құрды. Бұл туралы Google блогында хабарлады.
“Бүгін Аспен қауіпсіздік форумында (АҚШ-тағы қала – ред.) саладағы әріптестерімізбен бірге қауіпсіз жасанды интеллект коалициясын (CoSAI) таныстырамыз. Былтыр біз нақты уақытта туындайтын және Google көкжиегінен тыс болатын қауіп-қатерлерді шешу үшін кешенді қауіпсіздікті бақылауды әзірлеу үшін осы коалицияны құруға жұмыс істедік”, – деген Google хабарламасында.
CoSAI мүшелеріне Amazon, Anthropic, Chainguard, Cisco, Cohere, GenLab, IBM, Intel, Microsoft, NVIDIA, OpenAI, Paypal және Wiz кіреді.
CoSAI-дың өнеркәсіп және академиялық орта бойынша ынтымақ құратын үш бағыты көрсетілген:
- Жасанды интеллект жүйелері үшін бағдарламалық қамтамасыз ету.
- Киберқауіпсіздік ландшафтының өзгергеніне кәсіби мамандарды дайындау.
- ЖИ қауіпсіздігін басқару (тәуекелдер мен бақылаулар таксономиясын әзірлеу, бақылау тізімі, көрсеткіштер картасы).
