AWS re:Invent конференциясында Amazon жасанды интеллектің Titan Image Generator деп аталатын жаңа генераторын таныстырды. Бұл туралы «Код Дурова» хабарлады. Bedrock платформасындағы бұл құрал мәтінде жазылған ақпарат бойынша сапалы сурет жасап береді.
Titan Image Generator-дың ерекшелігі — адамдар дайын суретті де өңдей алатынында. Мысалы, ондағы элементтерді өзгерте алады, кадрдағы бір затты өшіре алады немесе артқы фонды ауыстыра алады. Жасанды интеллектінің алгоритмі суретке детальдар қосып, оның композициясын кеңейте алады.
Titan Image Generator арқылы жасалған әр суретте бір қарағанда көзге көрінбейтін арнайы белгі тұрады. Бұл белгі суретті жасанды интеллект жасағанын дәлелдейді және жалған ақпарат тарамауына көмектеседі.
