Төтенше жағдай министрлігі Алматыдағы жер сілкінісі кезінде жұмыс істеген бөлімшелерді тексерді. Бұл туралы Baigenews.kz хабарлады.
Нәтижесінде жер сілкінісінде дұрыс әрекет етпеген бөлімше қызметкерлері жазаланды.
«Тергеу нәтижелері бойынша, 14 қызметкер, оның ішінде министрліктің төрт басшысы, олардың бес орынбасары, ведомстволық бағынысты ұйымның бір басшысы, аумақтық бөлімшенің басшысы мен оның орынбасары қатаң тәртіптік жауапкершілікке тартылды. Төтенше жағдайлар министрлігі мен Төтенше жағдайлар департаментінің екі басшысы мерзімінен бұрын жаза қолданумен шектелді», – деді ведомствоның баспасөз қызметі.
