Алматы полициясы төрт алаяқтық байланыс орталығын жойды. Бұл туралы Polisia.kz хабарлады.
Тергеу мәліметтері бойынша, желідегі алаяқтар шетелдің, соның ішінде Иран, Үндістан, Қытай, АҚШ және Малайзия азаматтарына қоңырау шалып, оларды алдап, жалған инвестициялық операцияларға тартқан. Қазірдің өзінде 2 мыңнан астам рет хабарласқаны анықталды.
Тінтіген кезде 1,5 мың телефон, 57 ноутбук пен компьютер, 1 мың сим-карта тәркіленді. Ұсталғандардың қазақстандықтарға қарсы интернеттегі алаяқтыққа қатысы бар-жоғы тексеріліп жатыр. Тергеу жалғасып жатыр.
