Өкілдер палатасы (АҚШ Конгресінің төменгі палатасы) ChatGPT жасанды интеллектісінің негзініде жасалған чат-ботын қолдануға қатысты шектеу енгізіп жатыр. Бұл туралы Axios хабарлады.
Енді олар ChatGPT Plus чат-ботының ақылы нұсқасын ғана пайдалануы керек. Бұл жөнінде палатаның бас әкімші директоры Кэтрин Л. Шпиндор қызметкерлерге жолдаған хатында жазды.
Құжат авторының сөзінше, чат-боттың тегін түріне қарағанда 20 доллар тұратын нұсқасы “Палата өкілдерінің деректерін қорғайды және оны құпия сақтайды”.
Қызметкерлер чат-ботты зерттеу және бағалау үшін ғана пайдалана алады, бірақ оны күнделікті жұмыс процесінде қолдануға құқығы жоқ.
Сонымен бірге жүйеге «құпия емес» деректерді ғана енгізуге рұқсат етіледі, яғни чат-ботқа әлі көпшілікке жарияланбаған ақпаратты салуға болмайды.
Өкілдер палатасының мүшелеріне ChatGPT-дің тегін нұсқасынан басқа да нейрон желілерін қолдануға тыйым салынды.