Қазақстанда БАҚ-қа қатысты сот ісінің ескіру мерзімі үш жылдан бір жылға дейін қысқартылуы мүмкін. Бұл туралы депутат әрі журналист Сергей Пономарев Instagram-парақшасында хабарлады.
“Масс-медиа” туралы заңға түзетуді депутаттар – Сергей Пономарев, Жұлдыз Сүлейменова және Никита Шаталов ұсынды.
Депутаттың айтуынша, жаңа заң жобасы бойынша, енді журналистер аудио, видео-жазбаларды, құжаттарды, деректерді үш жыл сақтап жүруге міндетті емес.
Кейбірі мұны кек алудың нұсқасы деп көретін. Бірақ енді БАҚ-тың үстінен арызданғандар үш жыл емес, бір жыл ішінде соттасып, мәселесін шешіп алуы керек. Бұл – біздің кішкентай жеңісіміз!
Сергей Пономарев, депутат
