Желіде Элвис Пресли мен Мэрилин Монроның бірге түскен фотосы тарады. Алайда сурет фейк болып шықты. Бұл туралы Snopes.com хабарлады.
@fakehistoryhunt парақшасы суреттің өңделгенін, әлдекім екі фотоны қосып жасағанын анықтады.
Шын мәнінде, жұлдыздар суретке бөлек-бөлек түскен. Монроның бұл фотосын 1953 жылы Лос-Анджелестегі Shrine Auditorium-да Фил Стерн түсірген. Ал Преслидің суреті жеті жылдан соң пайда болды. Әнші оған «G.I. Блюз» музыкалық комедияға түсу үшін Лос-Анджелеске бара жатқанда түскен.
Екеуі мансабын бір уақытта құрса да, Монро Преслиден тоғыз жас үлкен болған. Монро мен Преслидің кездесіп-кездеспегенін дәлелдейтін деректер жоқ. Сол себепті фактчекерлер бұған қатысты нақты ештеңе айта алмайды.