OpenAI GPT-4o деп аталатын жасанды интеллектінің жаңа флагман моделінің анонсын жариялады. Бұл туралы TechCrunch хабарлады.
Мұндағы “o” әріпі “omni” дегенді білдіреді. Сөзбе-сөз аударғанда “жан-жақты” деген мағынаға ие. Бұл модельдің мәтінді, ауызша айтылған сөзді және бейнені өңдеу қабілетіне қатысты.
OpenAI техникалық директоры Мира Муратидің айтуынша, GPT-4o өнімінің интеллекті GPT-4 деңгейінде, бірақ түрлі саладағы мүмкіндігі көбірек.
OpenAI-дың бұған дейінгі GPT-4 Turbo моделі мәтін және фотомен жұмыс істей алған, оны талдай алған болса, жаңа GPT-4o нұсқасы ауызша айтылған сөзді де талдай алады. Бұл модель 50 тілді меңгерген.
