19 қаңтарда өткен сенат отырысында депутат Әбдәлі Нұралиев жеке қосалқы шаруашылықтарға қатысты дерек келтіріп, өнімнің жалпы шығарылымына қатысты мәлімдеме жасады.
Factcheck.kz депутат сөзі қаншалықты рас екенін тексерді.
Қазіргі таңда елімізде 1 636 000 жеке қосалқы шарушылық бар.
Әбдәлі Нұралиев
Үкім: Шындық
Ауыл шаруашылығы министрлігінің Factcheck.kz редакциясына берген мәліметіне сәйкес, 2023 жылдың 1 қаңтарындағы жағдай бойынша Қазақстандағы жеке қосалқы шаруашылықтың (ары қарай —ЖҚШ) саны — 1 630 974 бірлік.
Олардың 2021 жылдың соңына қарай жалпы сомасы 2,8 трлн теңгенің өнімін өндіріп, еліміздің азық-түлік қауіпсіздігін қамтамасыз етуге елеулі үлес қосты.
Әбдәлі Нұралиев
Үкім: Жалған
Министрлік дерегіне сай, 2021 жылдың қорытындысы бойынша ауыл шаруашылығы өнімдерінің жалпы шығарылымы — 7,5 млрд теңге. Оның ішінде жеке қосалқы шаруашылықтарға — 3,2 млрд теңге тиісілі (өсімдік шаруашылығы — 1 160 млрд теңге; мал шаруашылығы — 2 041 млрд теңге). Нұралиев “2,8 трлн теңге” деп нені меңзегені белгісіз.
- Салыстырмалы түрде айталық, Ұлттық статистика бюросының мәліметіне сай, 2021 жылы Қазақстанда өндірілген тамақ өнімдерінің жалпы көлемі — 2,2 трлн теңге.
- Ауыл шаруашылығы министрі Ербол Қарашөкеевтің хабарлауынша, бұл көрсеткіш 2022 жылы 2,9 трлн теңгеге жеткен.
- Сенатор ЖҚШ қорытындысы мен жалпы азық-түлік өндірісінің қорытындысын шатастырып алған болуы мүмкін.
Контекст
Жеке қосалқы шаруашылық — ауылдық жерде және қала маңындағы аймақта орналасқан жер учаскесiнде өз мұқтаждарын қанағаттандыруға арналған қызмет түрi.
