2024 қаңтарында әлеуметтік желілерде және түрлі сайттарда әлем елдерінің әскери қуаты жайлы жарияланған рейтиң талқыланып жатыр. Рейтиңде Қазақстан 145 мемлекеттің ішінен 58-орында тұр. Осыған сүйеніп Қазақстан әскері – Орталық Азиядағы ең қуатты деп жарыса жазуда. Бұл қандай рейтиң, ақпарат қаншалықты рас, Factcheck.kz қарап көрді.
Қазақстан әскері Орталық Азияда көшбасшы атанды.
Интернет кеңістіктегі ақпарат
Үкім: Шындық
Көптеген сайттар дереккөз ретінде көрсеткен GlobalFirepower (GFP) жыл сайын әлем елдерінің әскери күш қуатына байланыста рейтиң жариялап отырады. Ең кейінгі дерекке сай, Қазақстан расымен 145 елдің арасында 58-орын алған. Бұл – Орталық Азиядағы ең жоғарғы көрсеткіш. Бұл рейтиң әскер саны мен қаражаттан бөлек мұнай қоры, сыртқы қарыз, табиғи газ тұтыну, көмір өндіру және жалпы жер көлемі және т.б. 60-тан астам факторды қамтиды.
Орталық Азия елдерінің әскери қуатына байланысты жасалған инфографика, бұл жерде негізгі әскери факторлар қамтылған.