8 қарашада Қасым-Жомарт Тоқаев Атырау облысына жұмыс сапарымен барды. Президент аймақ жұртшылығымен кездесіп, облысқа қатысты бірнеше дерек келтірді. Factcheck.kz оның айтқан сөзі қаншалықты рас екенін тексерді.
Атырау облысына бөлінген 4 мың гранттың 800-ге жуығы ғана игерілген. Бұл – өте төмен көрсеткіш.
Қасым-Жомарт Тоқаев
Үкім: Шындық
Ғылым және жоғары білім министрлігінің бізге берген ақпартына сай, Қасым-Жомарт Тоқаевтың 2022 жылғы 11 қаңтардағы берген тапсырмасы аясында Атырау облысына 4 мың нысаналы білім гранты бөлінген. Облыс бойынша 777 талапкер ғана республикалық грантты ұтып алған.
