9 маусымда өткен Мәжілістің жалпы отырысында депутат сауалына жауап берген Ұлттық банк төрағасының орынбасары Ақылжан Баймағамбетов Қазақстандағы және шетелдегі инфляция деңгейі туралы дерек келтірді. Factcheck.kz А. Баймағамбетов сөзінің қаншалықты шындыққа жанасатынын тексерді.
Мысалы, биылғы жылғы сәуірде АҚШ-та инфляция 4,2% болды, Ресейде де инфляция мамырда 6%-дан астам болды. Қазақстандағы инфляция мамыр айының қорытындысы бойынша, 7,2% болды, оның ішінде азық-түлік инфляциясы сәл төмендеп 9,3% болды. Сонымен қатар, жанармай, киім және аяқ-киім бағаларының өсу нәтижесінде азық-түлікке жатпайтын инфляция ол 6,7%-ға дейін жеделдеді. Сервистік инфляция ол 5,1%-ға дейін өсті.
Ақылжан Баймағамбетов
Үкім: Шындық
Шынымен-ақ АҚШ-та 2020 жылдың сәуірінен 2021 жылдың сәуіріне қала тұрғындары үшін инфляция деңгейі 4,2%-ке өскен. Бұл 2008 жылдың қыркүйегінен 12 ай аралығында (сол кездегі көрсеткіш — 4,9%) ең көп өскен көрсеткіш.
Росстат дерегінше, Ресейде инфляция деңгейі 2021 жылдың мамыр айында былтырдың мамырынан 6,02%-ке өскен.
Статистика бюросының дерегінше, Қазақстанда 2020 жылдың мамырынан биылдың мамырына дейін, яғни 12 айда инфляция деңгейі 7,2%-ке өскен. Бұл 2021 жылдың сәуірінен 0,7%, ал 2020 жылдың желтоқсанынан 3,5%-ке өсті дегенді білдіреді. 12 айда азық-түлік инфляциясы 9,3%-ке, азық-түлікке жатпайтын тауар 6,7%-ке, жұртшылыққа арналған ақылы қызмет 5,1%-ке өскен.
Пікір қалдыру үшін өз аккауныңызға кіріңіз.