Соңғы уақытта әлеуметтік желілер мен интернет сайттарда Қазақстан халқының саны 18 миллионға жеткені туралы ақпарат тарады. Кейбір басылымдар, тіпті, 18 миллионнан асырып та жіберді. Алайда, ресми статистика мұны жоққа шығарады.
Үкім: Жалған
Ұлттық экономика министрлігі Статистика комитетінің 2017 жылғы 1 сәуір күні шығарған ресми мәліметінде халық саны 17 975,8 млн деп көрсетілген. Яғни, 18 миллионға жету үшін әлі 24 200 адам жетпейді.
Қазақстан халқы соңғы 7 жылда 1 млн 772 мың адамға өскен. Статистика комитетінің ресми мәліметіне сүйенсек, әр жыл сайын шамамен 220-230 мың адам дүниеге келеді. Егер 230 мыңды 12 айға бөлсек, шамамен 19 мыңнан асады. Яғни, 24 200 адам дүниеге келу үшін бір айдан астам уақыт қажет.
Пікір қалдыру үшін өз аккауныңызға кіріңіз.