20 наурызда өткен мәжілістің кезекті отырысында депутат Ерболат Саурықов туризм саласы жайында сөз қозғап, депутат сауалын жолдады. Саурықовтың айтуынша, туризм халықаралық инвестицияның 11%-ін құрайды, ал одан түскен табыс мұнай мен автокөлік табысынан кейінгі тұрақты 3-орынды алады. Аталған деректерді Factcheck.kz тексеріп көрді.
Мәлімдеме: Туризм әлемнің жалпы ұлттық өнімінің 10/1 бөлігін, халықаралық инвестицияның 11%-дан астамын құрайды.
Ерболат Саурықов, мәжіліс депутаты
Үкім: Шындық
Дүниежүзілік туризм ұйымының мәліметінше, туризм әлемнің жалпы ұлттық өнімінің 10/1 бөлігін және халықаралық инвестицияның 11%-тен астамын құрайды. Ал 2019 жылы туристік сектор бүкіл әлем бойынша 300 миллионға жуық жұмыс орнын қамтамасыз етті.
Мәлімдеме: Туризмнен түскен табыс мұнай өнімдері мен автокөлік экспортының табысынан кейін тұрақты 3-ші орында келеді.
Ерболат Саурықов, мәжіліс депутаты
Үкім: Шындыққа жақын
Дүниежүзілік туризм ұйымының дерегінше, туризм саласынан түскен табыс мұнай өнімдері мен химикаттан кейін тұрақты 3-орында келетіні рас. Депутат керісінше екінші орында автокөлік экспортын мысал ретінде келтіреді, бірақ ресми дерек бойынша екінші орында химикаттар тұр.
Контекст
- Пандемияға дейін туризм саласы әлемдік сауданың 7%-ін құрайды;
- Кейбір елдер үшін туризм ЖІӨ-нің 20%-тен астамын құрайды;
- Әрбір оныншы жұмыс орны туризм саласына тиесілі, ал дамыған елдерде миллиондаған адамдар туризм арқылы табыс тауып отыр;
- Тіпті кейбір шағын аралдар және дамушы мемлекеттер экономикасының 80%-ін туризм құрайды.