ШЫНДЫҚ | Сағадиев: Қазақстанға бір миллион жоғары білімді азамат керек

    Фото vlast.kz сайтынан, авторы Жанара Каримова

    Қазақстанда бүгінгі таңда жоғары білімді азаматтардың жұмыс істеуге қабілетті халықтың пайыздық үлесіне шаққандағы көрсеткіші – 36%. 50%-ға жету үшін тағы бір миллион адам керек.

    2017 жылғы 12 сәуір күні өткен «Қазақстан ғылымы 3.0 модернизация жағдайында» атты форумда жоғары білім беруге қатысты мәселелерді талқыға салған Білім және ғылым министрі Ерлан Сағадиев көптеген елдердің жоғары білімді азаматтардың санын жұмыс істеуге қабілетті халықтың 50 пайыздық үлесіне дейін жеткізуді мақсат тұтатынын, Қазақстан да осы көрсеткішке ұмтылуы керек екенін айтты.

    Үкім: Шындық

    Сағадиев келтірген деректер шындыққа сәйкес келеді.

    ҚР Ұлттық экономика министрлігінің Статистика комитеті таратқан мәліметтерге сүйенсек, 2016 жылдың 4-тоқсанында жоғары білімі бар, жұмыс істейтін халықтың үлес салмағы 35,7% немесе 3 050 100 адам болған. 50 пайыздық көрсеткішке қол жеткізу үшін бізге шынында да жұмыс істейтін 1 221 748 жоғары білімді маман керек.


    factcheck.kz мақалаларында аты-жөні аталған тұлғалар немесе оқырман біздің үкіммен немесе дәлелдемелерімізбен келіспейтін болса, тиісті материалдарды ұсынған жағдайда редакция үкімді қайта қарастырып, құжаттарды жариялауы мүмкін.

    Бұл басылым Сорос-Қазақстан Қорының қаржылай қолдауымен дайындалды (жарияланды, жарық көрді). Бұл жарияланымның мазмұны автор(лар)дың пікірі мен көзқарасын білдіреді, оның Сорос-Қазақстан Қорының көзқарасымен сай келуі міндетті емес.