Meta компаниясы 25 сәуірде WhatsApp мессенджеріне жасанды интеллект оқылмаған хабарламаларды қысқаша мазмұндап беретін функция енгізетінін хабарлады. Бұл туралы TechCrunch жазды.
Компанияның айтуынша, қысқаша мазмұн тек қолданушыға ғана көрінеді, сөйлесіп отырған басқа адамға немесе топ мүшелеріне көрінбейді.
Жаңа функция Meta сәуір айында іске қосқан ЖИ технологиясының негізінде жасалған. Ол шифрлауға немесе қолданушы құпиялылығына нұқсан келтірмей, жасанды интеллекті қолдануға жол ашады.
«Message Summaries (Хабарламалар түйіні) жеке өңдеу технологиясына (Private Processing) негізделген. Meta AI сіздің хабарламаларыңызға жауап құруға мүмкіндік береді. Meta да, WhatsApp та сіздің хаттарыңызды немесе олардың қысқаша мазмұнын оқымайды. Сондай-ақ бұл функцияны пайдаланғаныңызды чаттағы басқа адамдар да білмейді», — делінген компания блогында.
Жаңа функция әдепкіде өшірілген күйде болады, алайда WhatsApp-та бұл мүмкіндіктің бар екенін білдіретін шағын белгіше көрінеді. Meta бұл мүмкіндікті алдымен АҚШ-та, ағылшын тілінде іске қосады, ал жыл соңына дейін басқа елдер мен тілдерге де таратылады.
Бұған дейін қолданушылар Meta AI-мен жалпы сұрақтар бойынша сөйлесе алатын немесе жеке хабарлама белгілеп, оған контекст бере алатын. Дегенмен Meta AI қолданушы хабарламаларын оқи алмайтын. Енді жаңа технология арқасында WhatsApp жасанды интеллект арқылы сұранысты өңдеп, жеке чат контексін пайдалана алады. Бұл хабарламаларды қысқаша мазмұндап, мәтін жазуға кеңес береді.
