Желіде Дүниежүзілік денсаулық сақтау ұйымының пандемияның алдын алу туралы шартты әзірлеуден бас тартқаны туралы ақпарат тарап жатыр. Бұл мәлімдемені Reuters фактчекерлері тексеріп көрді.
«ШҰҒЫЛ: ДДҰ қоғамдық пікірталас пен қарсылық жағдайында өзінің даулы пандемия туралы келісімінен бас тартады», – делінген бір жазбада.
Дүниежүзілік денсаулық сақтау ұйымының өкілі Фадела Чаиб электрон пошта арқылы фактчекерлерге бұл ақпардың жалған екенін айтты.
Чаиб үкіметаралық келіссөздер тобы 29 сәуірден 10 мамырға дейін жалғасатын 9-сессияда пандемия туралы келісім жобасын аяқтауды мақсат етіп отырғанын айтты. Содан кейін жоба 2024 жылғы мамырда қабылдануы үшін Дүниежүзілік денсаулық сақтау ассамблеясына, ДДҰ-ның жоғары органына жіберіледі.
22 сәуірде жарияланған келісімнің ең соңғы жобасы ДДҰ уеб-сайтында бар. Онда мемлекеттерге өз азаматтарының денсаулығы үшін негізгі жауапкершілік жүктелетіні және ДДҰ денсаулық сақтау саласындағы халықаралық ынтымақтастықты басқарушы және үйлестіруші орган екені айтылған.
