Әлеуметтік желі мен медиада (1, 2, 3, 4, 5) Астана атауының қайта өзгеруіне байланысты Гиннестің рекордтар кітабына “әлемдегі атауы ең көп өзгерген астана” ретінде тіркелгені туралы ақпарат тарады. Халық бұл хабарды әртүрлі қабылдады.
Осыған орай Factcheck.kz сайты деректің қаншалықты рас екенін тексерді.
Астана қаласы атауының өзгеруіне байланысты Гиннестің рекордтар кітабына қайта енді.
Әлеуметтік желідегі ақпарат
Үкім: Манипулция
Астана қаласы расымен де Гиннестің рекордтар кітабына “атауы ең көп өзгерген астана” ретінде енген. Дегенмен бұл біраз уақыт бұрын болған. Сондықтан дәл қазіргі Астана атауының қайта өзгеруі туралы ақпаратқа (Нұр-Сұлтанның Астанаға өзгеруіне) ешқандай қатысы жоқ.
Түсіндіріп көрейік
Көптеген медиа The Economist сайтына сілтеген. Ал The Economist материалында онсыз да Гиннестер кітабында болған Астана қаласының атауы қайта өзгергені туралы жазған. Біз тексерген медиаларда Нұр-Сұлтан атауының Астанаға өзгеруін Гиннестер кітабына енген жаңалық ретінде көрсеткен.
Гиннестің рекордтар кітабында Астана қаласы XX ғасырдағы “атауы ең көп өзгерген астана” ретінде тіркелген. Яғни XXI ғасырдағы мәлімет туралы не Нұр-Сұлтан (2019-2022) атауына байланысты ешқандай ақпарат жоқ. Сонымен қатар, XX ғасырға дейінгі атауы көп өзгерген астаналар туралы да ақпарат табылмады.
Гиннестің рекордтар кітабында Астана атауына дейін Ақмола (1991-1997), оның алдында Целиноград (1961-1991) және Акмолинск (1961-ге дейін) болғаны жазылған.
