Ресейліктердің көбі БАҚ жалған ақпаратты қасақана таратады деп есептейді

Ресейліктердің көбі бұқаралық ақпарат құралдарында оқыған жалған ақпаратты әдейі жарияланған деп ойлайды. Бүкілресейлік қоғамдық пікірді зерттеу орталығының жүргізген сауалнамасы бойынша деректерді ТАСС хабарлады.

«БҚПЗО-Спутник» бүкілресейлік сауалнамасы 2019 жылдың 16 сәуір жүргізілді.

Зерттеу нәтижесі бойынша ресейліктердің 74%-ы БАҚ-та оқыған, көрген жалған ақпаратты тілшілер әдейі таратқан деп есептейді. Ал, 17%-ы жалған ақпаратты журналисттер мен редакторлар байқаусызда, қателесіп таратқан деп ойлайды.

БАҚ-та және интернетте жарияланған жалған ақпаратты Ресейліктердің көбі (62%) анықтай алады екен.

Сондай-ақ, респонденттердің жартысы (47%) БАҚ-та жалған ақпарат кездестірмегеніне сенімді. Сұралғандардың 31% фейк жаңалықтарды интернетте көргенін айтса, 20% телеарналарда, 7% газетте оқығанын, ал қалған 5% радио арқылы тыңдағанын айтты.

Сауалнаманың іріктеме көлемі 1,6 мың респондент және 95%-ға қателесу ықтималдылығының максималды көрсеткіші 2,5% аспайды.