Қасым-Жомарт Тоқаев 2 қыркүйекте Қазақстан халқына жолдау жасады. Әртүрлі тақырыпта сөйлеген президент, орта бизнес туралы да айтпай кетпеді. Factcheck.kz дәстүр бойынша президент сөзін тексерді.
Мәлімдеме: 2029 жылға қарай орта бизнестің ел экономикасындағы үлесі 15 пайызға жетуі керек. Бұл – Үкіметтің алдында тұрған маңызды міндет. Қазір бұл көрсеткіш – 7 пайыз шамасында.
Қасым-Жомарт Тоқаев
Үкім: Шындық
Ұлттық статистика бюросының 2024 жылғы қаңтар-наурызындағы дерегіне сәйкес, ЖІӨ-дегі шағын кәсіпкерлердің үлесі 31,1%-ке, ал орта кәсіпкерлердің үлесі 6,6%-ке жеткен. Бұл көрсеткіш былтырға қарағанда 0,1%-ке өскен.
Кейінгі 5 жылдағы көрсеткішке назар салсақ, шағын және орта кәсіпкерлік бөлінісіндегі ЖІӨ-дегі орта кәсіпкерлердің үлесі 6% айналасында болған. Нақтырақ айтсақ, 2019 жылы 6,3%, 2020 жылы 6,5%, 2021 жылы 6,1%, 2022 жылы 6.2%, 2023 жылы 6,7% болған.
| 2019 жыл | 2020 жыл | 2021 жыл | 2022 жыл | 2023 жыл |
| 6,3% | 6,5% | 6,1% | 6,2% | 6,7% |
Материалды дайындаған: Айсұлу Даңғылқызы
Пікір қалдыру үшін өз аккауныңызға кіріңіз.