Ауызды тұзды сумен шаю коронавирусты жояды деген ақпарат қайдан шықты?

Covid-19 жайлы фейктер әлі де толастар емес. Factcheck.kz оқырмандардың сұрауы бойынша вирустан құтылуға болатын әдіс туралы тараған хабарламаның рас-өтірігін ажыратты. Хабарламадан үзінді:

Коронавирус өкпеге жеткенге дейін төрт күн ішінде кеңірдекшеде қалады. Осы кезде науқас жөтеле бастайды. Егер ол көп су ішсе және аузын жылы сумен, тұз немесе сірке суымен шайса, ол вирусты жоя алады. Бұл хабарды таратыңыз, өйткен сіз оны адамды құтқару үшін қолдана аласыз.

Хабарлама мәтіні

Үкім: Фейк

Біріншіден, көп су ішу медицинада құпталатын әрекет. Бірақ, Оксфорд университетінің профессоры Труди Лангтың айтуынша, көп су ішіп, асқазанда вирусты жоятындай биологиялық механизмнің жоқ.

Екіншіден, тұзды сумен вирусты жеңуге болады деген ақпарат, Гуанжоу медицина университеті маманы Чжун Наньшанның сөзінен бұрмаланып, желіге тараған. Маманның сөзі төмендегідей болатын:

«Мен барлығыңызға ауруханаға немесе басқа қоғамдық орындарға барар алдында тамағыңызды сұйылтылған тұзды сумен шайып, үйге оралғаннан кейін тағы да шаюды ұсынамын.

Чжун Наньшан, Гуанжоу медицина университеті маманы

Маман вирустың алдын алу тәсілдерінің бірі деп ауызды тұзды сумен шаюды айтқан. Бірақ Whatsapp желісінде оның сөзі бұрмаланып, бұл тәсіл вирусты толықтай жоюға көмектеседі деп тараған.

Үшіншіден, сірке суымен жасалған кішігірім зерттеу қорытындысы бойынша, микробтарды өлтіруге болатынын, алайда, вирусты жоятыны дәлелденбеген.

Естеріңізге сала кетейік, әлем бойынша коронавирус жұқтырған адам саны 1,5 миллионнан асты. Қазақстанда вирус жұқтырған адам саны 1000-ға таяп, 12 адам қаза тапты. Әлем бойынша 200-ден астам елде коронавирус тарады.

Обьективтілікті сақтау үшін Factcheck.kz редакциясы жарнамадан бас тартып, мемлекеттен, ірі компаниялар мен саяси топтардан алшақ болу принципін ұстанып, тәуелсіздігін сақтап келеді. Қазір Factcheck.kz сіздердің қолдауларыңызға мұқтаж. Оқырмандарымыздың біздің шотқа аударған қаржысы – фактчекер-журналистер, аудармашылар мен ұжымның басқа мүшелеріне еңбекақы, қаламақы төлеу үшін қажет. Олар ары қарай да тоқтамай еңбек етіп, шындықты, жалған мен манипуляциядан ажырата бермек. Біз сенімді дереккөзден тексерілген тәуелсіз ақпарат алуға әркімнің құқы бар екеніне сенеміз.


Өтінеміз, кез келген сомманы таңдаңыз…



немесе өзіңіздің біздің есепке аударғыңыз келген соманы жазыңыз

Төлепберген Маликов
Төлепберген Маликов. Байқоңыр қаласында туған. Сулейман Демирел университетінде журналистика мамандығы бойынша оқиды. Азаттық радиосының Прагадағы бас штабында тәжірибеден өткен. 2018 жылдан бастап Factcheck.kz сайтында жұмыс істейді.