Әлеуметтік желіде зейнетақы мөлшрі өсетіні жайлы хабарлама тарап жатыр. Желідеге хабарламада зейнетақы биыл 1 шілдеден бастап 20 пайызға артатыны жазылған. Бұл ақпараттың қаншалықты шындыққа сәйкес келетінін тексеріп көрейік.
2021 жылдың 1 шілдесінен бастап зейнетақы мөлшерін 2021 жылғы деңгеймен салыстырғанда 20%-ға дейін арттыру қамтамасыз етіледі. Бұл шара барлық зейнеткерді немесе 2 миллионнан астам адамды қамтиды.
Желіде тараған хабарлама
Үкім: Фейк
Желіде тараған хабарлама шындыққа сәйкес келмейді. Еңбек және халықты әлеуметтік қорғау министрлігінің баспасөз қызметі бұл ақпараттың фейк екенін хабарлады.
“Бұл – фейк. 1 шілдеден бастап зейнетақыны өсіру қарастырылмаған”, – деді ведомство өкілі.
Бұл ақпарат Өзбекстанның әлеуметтік желісінде тараған болуы тиіс. Желіде тараған хабарламаның Қазақстанға еш қатысы жоқ. Өзбекстан президенті Шавкат Мирзиёвтің жарлығымен 1 шілдеден бастап зейнетақы мен жәрдемақының ең төменгі мөлшері 20%-ға артады.
Контекст
- Еңбек және халықты әлеуметтік қорғау министрлігінің дерегінше, жыл басынан бері қазақстандықтарға 1,1 трлн теңгеден астам сомаға зейнетақы төленді.
- 1 маусымдағы дерек бойынша, Қазақстанда зейнеткер саны 2 млн 243 мың адамды құрайды. Ал зейнетақы төлемінің орташа мөлшері – 100 019 теңге.
Пікір қалдыру үшін өз аккауныңызға кіріңіз.