ДДСҰ Түркіменстанның коронавирусқа қатысты мәлімдемесіне күмәнданады

Дүниежүзілік денсаулық сақтау ұйымының жоғары лауазымды өкілі Түркіменстанның коронавирусқа қатысты мәлімдемесіне күмән келтіріп, вирустың елде таралмауы екіталай деп мәлімдеді. Бұл туралы BBC сайты хабарлайды.

ДДСҰ-ның Төтенше жағдай жөніндегі аға офицері Кэтрин Смоллвуд әлемде пандемия екі жылға жуық таралғанын еске салып, ғылыми тұрғыдан Түркіменстанда вирустың таралмауына күмән келтірді.

Түркіменстан билігі коронавирус пандемия басталғалы елде COVID-19 тіркелмегенін хабарлап келеді.

Кэтрин Смолвуд 2020 жылдың жазында Түркіменстанға жұмыс барысымен келген ДДСҰ миссиясының делегациясын басқарған. Сол кезде миссия өкілдері елде коронавирус анықталғанын растамады және жоққа да шығармады.

Төлепберген Маликов
Төлепберген Маликов. Байқоңыр қаласында туған. Сулейман Демирел университетін журналистика мамандығы бойынша тәмамдаған. Азаттық радиосының Прагадағы бас штабында тәжірибеден өткен. 2018 жылдан бастап Factcheck.kz сайтында жұмыс істейді.