Алматыда 25 мамырдан бастап Qamqor акциясы басталады. Акцияны Бостандық ауданының әкімдігі мен басқа да кәсіпкерлер ұйымдастырды. Бұл туралы Informburo.kz хабарлады.
Акцияның басты мақсаты – қала тұрғындары мен қонақтарын Covid-19-ға қарсы екпе салдыруға ынталандыру. Акция барысында кәсіпкерлер тауарлар мен қызметтерге әртүрлі жеңілдік ұсынады. Вакцина паспортын көрсеткен соң ұнаған түрлі тауар мен қызмет көрсетуге белгіленген жеңілдіктерді алуға болады.
Төменде көрсетілген жерлерде 5 проценттен 20%-ке дейін жеңілдік алуға болады:
- “KINOPARK 5” кинотеатры, (Тимирязев көшесі, 42) “Atakent Mall” ОСО – 20% жеңілдік;
- “Brooklyn fitness gym” фитнес орталығы, (“Керемет” шағын ауданы, 7) – 20% жеңілдік;
- “Траснформа” перформативтік өнер театры, (Байзақов көшесі, 280) – 5% жеңілдік;
- “Almaty Doner” қоғамдық тамақтану орны, (Абай даңғылы, 34) – 10% жеңілдік;
- “GAME ON” компьютерлық клубтар желісі, (“Керемет” шағын ауданы, 7); (Розыбакиев көшесі, 111); (Бұқар жырау көшесі, 27/5, блок 1) – 20% жеңілдік;
- “Coffee and parfait bar” кофеханасы, (“Esentai Mall” ОСО , 4-қабат) – 20% жеңілдік;
- “Асем тау” демалыс аймағы, (Алмарасан шатқалы) – 10% жеңілдік;
- “Тsarskaya” қоғамдық моншасы, (Розыбакиев көшесі, 187) – 10% жеңілдік;
- “METRO” ойын-сауық орталығы / боулинг, бильярд, картинг, караоке), (Жандосов даңғылы, 2б) – 10% жеңілдік.
Аудан кәсіпкерлері пандемияға қарсы күреске өз үлесін қосып, барша кәсіпкерледі акцияны қолдауға шақырады.
Контекст
25 мамыр күнгі мәлімет бойынша, Қазақстанда 2 млн 15 мың адамға коронавирусқа қарсы вакцинаның кемінде алғашқы дозасы салынған. 949 мыңнан астам адам вакцинаның екі дозасын алған.
