Кейінгі уақытта желі қолданушылары “түн ортасындағы көмір” (ағыл. ‘Midnight Ember’) деп аталатын қызғылт сары және қара күлтелері бар гибрид раушанның суретін таратып жатыр. Snopes басылымы “ерекше раушанның” бар-жоғын анықтап көрді.
“Midnight Ember раушаны өзінің жарқын, қара, отты қызғылт сары күлтелерімен ерекшеленеді”, – делінген Facebook-тегі жазбалардың бірінде.
Шын мәнінде, “түн ортасындағы көмір” деп аталатын гибрид раушан түрі жоқ, желіде тарап жатқан сурет — цифрлық манипуляция.
Алдымен бағбан және Орегон мемлекеттік университетінің профессоры Эми Джо Детвейлер “бұл нағыз раушан гибриді екеніне сенбейтінін айтып, сурет ЖИ өнімі болуы мүмкін” деді.
Ал Hive Moderation қызметі фотоның 99,8%-і жалған кескін екенін анықтады. True Media сайты да “раушанның градиентті элементтері цифрлық манипуляцияға тән” деп көрсетті. Екі сайтта да гүлдің ғылыми атауы немесе түрі туралы айтылмаған.
Оған қоса, National Gardening Association ұйымының онлайн дерекқорында 7 330 раушан гүлінің 38 000-нан астам суреті бар, бірақ оның ішінде “түн ортасындағы көмір” деп аталатын бірде-бір гүл жоқ. Ал бұл гибридті раушанның жалған екеніне тағы бір дәлел бола алады.
Пікір қалдыру үшін өз аккауныңызға кіріңіз.