9 қаңтарда Лос-Анджелестегі Голливуд белгісін жалын шарпып жатқан видео мен сурет лезде тарады. Бейнежазба 100 мыңнан аса қаралым жинаған.
Snopes басылымы бұл ақпаратты жалған деп мәлімдеді. Суреттің шетінде Grok XI белгісі тұр, бұл оның жасанды интеллект арқылы жасалғанын білдіреді. Ал видеоны алғаш рет цифрлық бейнелерді жасайтын @grammysammytiktok аккаунты жариялаған.
Cal Fire және Лос-Анджелес өрт сөндіру бөлімінің (LAFD) мәліметі бойынша, 9 қаңтарда өрт Голливуд белгісінен кемінде үш миль (4.8 км) қашықтықта болған. Hollywoodsign.org веб-сайты да “Гриффит саябағы сақтық үшін уақытша жабылды, бірақ белгінің өзі зардап шеккен жоқ», – деп хабарлады.
Басты беттегі сурет X желісінен алынған.
Пікір қалдыру үшін өз аккауныңызға кіріңіз.