АҚШ-тың Әділет министрлігі канадалық Обри Коттлға Техас республикалық партиясының сайтын бұзғаны үшін айып тақты. Тергеу мәліметтері бойынша, ол хостиң-провайдер жүйесіне заңсыз кіріп, сайттағы ақпараттарды өзгертіп, жеке деректер сақталған резервтік көшірмелерді ұрлаған. Бұл туралы SecurityLab хабарлады.
Оқиға 2021 жылы болған. Ұрланған деректер интернетте лезде тараған. Кейінірек Коттл бұл шабуылды өзі жасағанын мойындап, әлеуметтік желіге жазба жариялаған. Тінту кезінде ұрланған ақпаратқа сәйкес келетін файлдар табылған.
Коттлға жеке мәліметтерді заңсыз пайдалану бойынша айып тағылды. Бұл бап бойынша ең ауыр жаза – бес жылға дейін бас бостандығынан айыру. Канадада да Коттлға қарсы қылмыстық іс қозғалды.
АҚШ тергеушілері Канада билігімен бірлесіп, деректердің таралу көзін анықтап, олардың шынайылығын растады. Тергеу Остиндегі Федералды тергеу бюросының киберқылмыс бөлімінде жүріп жатыр. Сот үкімі шыққанға дейін Коттл кінәсіз деп есептеледі.
SecurityLab жазуынша, бұл жағдай саяси құрылымдардан тараған ақпарат көпшілікке жылдам тарайтынын әрі халықаралық тергеу барысында қандай салдарға әкелуі мүмкін екенін көрсетті.
