26 мамырда өткен Мәжілістің жалпы отырысында депутат Ғани Ташқараев заңды кәсіпкерлік қызметпен айналысатындар туралы айтып, соған қатысты дерек келтірді. Factcheck.kz депутат мәлімдемесін тексерді.
Соңғы 5 жылда осы бап бойынша 80-ге жуық қылмыстық іс қозғалып, олардың 2-і ғана сотқа дейін жеткен [Қылмыстық Кодекстің 365 бабы – авт.].
Ғани Ташқараев
Үкім: Жалған
Депутат қандай дерекке сүйеніп сөйлегені, нені меңзегісі келгені бізге беймәлім. Алайда ҚР Бас прокуратурасының дерегіне сай, соңғы бес жылда қылмыстық кодекстің 365-бабы бойынша барлығы 17 іс тіркеліп, оның 11-і сотқа кеткен. Нақты сандарды төменнен қараңыз:
[infogram id=”c94987d5-ac85-4cdc-afc7-9ea6fdbcf810″ prefix=”AIA” format=”interactive” title=”Copy: Қазақстаннан шетелге кеткен маман саны”]
Қылмыстық кодекстің 365-бабында дара кәсіпкердің немесе ұйымдық-құқықтық нысанына, меншік нысанына қарамастан коммерциялық ұйымның құқықтары мен заңды мүдделерін шектеу, сол сияқты дара кәсіпкердің немесе коммерциялық ұйымның дербестігіне не қызметіне өзгедей түрде заңсыз араласқандарға қарсы шаралар қолдану қарастырылған.
