Туиттер АҚШ президенті Дональд Трамптың жазбасына фейк белгісін қойып, оқырмандарға оның твитын тексеріп көруге ұсыныс тастады. Бұл жайлы BBC-дің орыс қызметі хабарлайды.
«Пошта арқылы дауыс беру туралы фактілерді қараңыз» әлеуметтік желінің көгілдір леп белгісі Трамптың екі жазбасына қойылды. Егер жазбаны бассаңыз, пайдаланушы Politico-ның «Трамп пошта арқылы дауыс беру нәтижелерді бұрмалауға әкеледі деген негізсіз мәлімдемелер жасайды» деген мақаланы көресіз.
Мамырдың 26-сы күні Трамп өз туиттерінде пошта арқылы дауыс беру сайлау нәтижелерін бұрмалауы мүмкін екенін айтқан еді.
Трамптың сайлауалды штабының менеджері Брэд Парскейл Туиттердің бұл әрекетін айыптады.
Артынша Трамп мынандай туит жариялады:
“…Твиттер сөз бостандығына нұқсан келтіреді, мен президент ретінде бұған жол бермеймін! “
Осыған дейін компания коронавирус туралы оқырмандарды шатастыратын деректерге арнайы белгі қоя бастаған еді. Енді жаңа ережеге сәйкес оқырман Covid-19 туралы ақпаратты көрместен бұрын, жазбаның Қоғамдық денсаулық сақтау сарапшыларының ұсыныстарына қайшы келетіні ескертіледі.