YouTube компаниясы коронавирус пандемиясы басталғалы “COVID-19 жайлы қауіпті жалған ақпарат таратқан” миллионнан астам видеоны өшірді. Бұл туралы Golosameriki.com сайты хабарлады.
Компанияның хабарлауынша, YouTube денсаулық сақтау сарапшыларының сөзіне, Ауруды бақылау және алдын-алу орталығы мен ДДСҰ дерегіне сүйеніп шешім қабылдайды.
«Біздің саясатымыз әлемде зиян келтіретін кез келген видеоны жою», – деді желі өкілі.
YouTube хабарламасы саяси лидерлер әлеуметтік желілерді “коронафейкке қарсы дұрыс жұмыс жасамады” деп сынаған тұста жарияланды.
