Сорос-Қазақстан қоры коронавирусқа қарсы күреске 500 000 $ бөлді

Сорос-Қазақстан қорының (СҚҚ) камқоршылар кеңесі Қазақстандағы COVID-19 пандемиясы кезеңінде халықтың ең әлжуаз топтарына көмек көрсету үшін 500 000$ арнайы резерв қаржы бөлуді ұйғарды.

Пандемия ауқымы қоғамдағы бірқатар әлеуметтік және экономикалық мәселенің бетін ашты. Індет жағдайы әлеуметтік әлжуаз топтардың тізімін үлкейтіп жіберді; оның үстіне ТЖ режиміндегі шектеу шаралары кейде адам құқықтары бұзылуына себеп болып жатады. СҚҚ арнаулы қоры мамырдың аяғына дейін пандемия кезеңінде қоғамның ең әлжуаз топтарын қорғауға бағытталған жобаларға байқаудан тыс өтінімдер қабылдайды. Жаңа сын тегеурініне бейімделе отырып, бағдарламалық жұмысымызды пандемия жағдайына орайластыра қайта қарауға да дайынбыз.

Арнаулы резерв құру – пандемия салдарынан туындайтын күнделікті сын тегеуріндеріне біздің жауабымыз, Қордың вирус таралуын тоқтату жолындағы және оның ел жағдайына тигізер зардабымен күреске қосар үлесі.

Аида Айдарқұлова, Сорос-Қазақстан қорының басқарма төрайымы

Арнаулы қор аясында

  • пандемия кезеңінде әлеуметтік әлжуаз топтарды (қарт адамдар, мүгедектігі бар адамдар, паллиативтік қызметтер пациенттері, арнайы оқыту жағдайын қажет ететін балалар, тұтқындар, мигранттар және т.б.) қолдау;
  • жалған ақпарат таратуға қарсы тұру;
  • онлайн оқытуға қол жеткізу мүмкіндігін кеңейту;
  • мемлекеттік бюджет қаражатының пандемиямен күреске жұмсалуына мониторинг жүргізу;
  • төтенше жағдай кезіндегі адам құқықтарын қорғау және алдыңғы орынға шығару жөніндегі өтінімдер қабылданады.

Бүкіл Қазақстан бойынша Қордан пандемия аясында қолдау қаражатын алған жобалар жұмыс істей бастады. Олардың арасында медицина қызметкерлеріне гуманитарлық көмек көрсету, жалған ақпарат таратумен күресу үшін халықтың медиасауатын арттыру, ерекше қажеттіліктері бар балаларға қашықтан оқуға көшу жағынан қолдау көрсету жөніндегі жобалар бар.

Өтінімдеріңізді қор сайты арқылы жібере аласыздар.

Сорос-Қазақстан қоры (СҚҚ) – Ашық қоғам қорлары – филантроп Джордж Сорос негізін қалаған офистер мен қорлар желісінің бір бөлімі. Ашық қоғам қорлары дүниежүзіндегі COVID-19 әсерімен күреске жалпы 130 миллион доллардан астам қаражат бөлді.

Обьективтілікті сақтау үшін Factcheck.kz редакциясы жарнамадан бас тартып, мемлекеттен, ірі компаниялар мен саяси топтардан алшақ болу принципін ұстанып, тәуелсіздігін сақтап келеді. Қазір Factcheck.kz сіздердің қолдауларыңызға мұқтаж. Оқырмандарымыздың біздің шотқа аударған қаржысы – фактчекер-журналистер, аудармашылар мен ұжымның басқа мүшелеріне еңбекақы, қаламақы төлеу үшін қажет. Олар ары қарай да тоқтамай еңбек етіп, шындықты, жалған мен манипуляциядан ажырата бермек. Біз сенімді дереккөзден тексерілген тәуелсіз ақпарат алуға әркімнің құқы бар екеніне сенеміз.


Өтінеміз, кез келген сомманы таңдаңыз…



немесе өзіңіздің біздің есепке аударғыңыз келген соманы жазыңыз

Думан Смақов
Журналист, редактор, менеджер, журналистика саласындағы бірнеше кітаптың авторласы. Factcheck Kazakhstan жобасының бас редакторы