Әлемде коронавирустан қайтыс болған адам саны 5 миллионнан асты. Бұл туралы Reuters агенттігі хабарлады.
Reuters зерттеуі бойынша, 2,5 млн адам 1,5 жыл ішінде қайтыс болған. Ал қалған 2,5 млн адам шамамен 8 айдың ішінде өлді. Сонымен қатар, коронавирустан қайтыс болғандардың көбі Оңтүстік Америкада тіркелген — 21%.
Бұдан бөлек өлім саны Солтүстік Америка мен Шығыс Еуропада жиі тіркелген. Reuters зерттеушілері вакцина екпеген адамдардың дельта вариантын жұқтыру мүмкіндігі көп екенін атап өтті.
Сонымен бірге, Дүниежүзілік денсаулық сақтау ұйымына мүше 194 елдің 187 мемлекетінде дельта варианты анықталған.
