24 маусымда Microsoft корпорациясы Windows операциялық жүйесінің жаңа түрін ұсынады. Бұл туралы The Verge сайты хабарлады.
Бір апта бұрын Microsoft бас директоры Сатья Наделла «Windows-тың келесі буыны» туралы хабарлаған. Ол Windows операциялық жүйесінің жаңа түрін кейінгі он жылдағы ең маңызды жаңарту екенін де айтқан.
Bloomberg дерегінше, жақын арада Windows-тың жаңа түріне тест жасалады. Ал күзде операциялық жүйенің жаңа түрін барлық қолданушылар пайдаланады.
Контекст
2015 жылы шілдеде Microsoft операциялық жүйенің соңғы түрі Windows 10 шықты. Ол 2018 жылы Windows 7-ден озып, компанияның ең танымал операциялық жүйесіне айналды.
