Ренн университетіне “Абайтану” пәні енгізілетіні рас па?

15 қыркүйекте “Хабар 24” Францияның Ренн университетіне “Абайтану” пәні енгізілетіні туралы ақпарат таратты. Factcheck.kz ақпараттың рас-өтірігін тексеріп көрді.

Ел арасында таған хабар

Үкім: Манипуляция

15 қыркүйекте Жанар Авар-Төребаеваның Ренн университетінде дәріс оқитынын ҚР Мәдениет және спорт министрлігі хабарлаған. “Абайтану” пәні туралы түсініспеушілік осыдан соң туындаса керек. Себебі Factcheck.kz тілшісімен сөйлескен Ж. Төребаева бұл іс әлі нақтыланбағанын айтты. Оның үстіне, жоспар бойынша Ренн университетіне “Абайтану” пәні енбейді. Бұл тек жылына бірнеше рет оқылатын лекция немесе конференция форматында болуы мүмкін.

Ренн Университетінің Халықаралық қатынастар проректорымен келісім жүргіздім. Енді алдағы айда Әдебиет және тарих факультетінің мұғалімдерімен кездесу болады. Мәселе сол кезде шешіледі.

Жанар Авар-Төребаева

Контекст

Жанар Авар-Төребаева 2018 жылы Қазақстан Республикасының Ренн қаласындағы Құрметті Консулы қызметіне сайланған. Сол кезден бастап Бретань халықаралық коммерция палатасы және Франция Сыртқы істерінің Бретань өлкесіндегі экономикалық дипломатымен бірге Қазақстанға инвестиция тарту бойынша жұмыс істеп келеді. Қазақстанның Париждегі Елшілігімен бірлесіп, 2018-2019 жылдан бері екі ел арасында ауыл шаруашылығы, экономика саласында кездесулер ұйымдастырып жүр.

Сонымен қатар Жанар Авар-Төребаева 2014 жылы Ренн қаласындағы жоғары коммерция университеті мен Алматы Менеджмент университеті арасында конвенция жасауға атсалысып, осы ЖОО-да оқып жүрген қазақ студенттеріне қамқорлық көрсетеді.

Биыл ақпанда ҚР Ұлттық академиялық кітапхананың ұсынысы бойынша Ренн университетімен келіссөз жүргізіп, 15 қарашада Абай және өзге де қазақ жазушыларының кітаптарын университет кітапханасына тапсырмақшы.

Обьективтілікті сақтау үшін Factcheck.kz редакциясы жарнамадан бас тартып, мемлекеттен, ірі компаниялар мен саяси топтардан алшақ болу принципін ұстанып, тәуелсіздігін сақтап келеді. Қазір Factcheck.kz сіздердің қолдауларыңызға мұқтаж. Оқырмандарымыздың біздің шотқа аударған қаржысы – фактчекер-журналистер, аудармашылар мен ұжымның басқа мүшелеріне еңбекақы, қаламақы төлеу үшін қажет. Олар ары қарай да тоқтамай еңбек етіп, шындықты, жалған мен манипуляциядан ажырата бермек. Біз сенімді дереккөзден тексерілген тәуелсіз ақпарат алуға әркімнің құқы бар екеніне сенеміз.


Өтінеміз, кез келген сомманы таңдаңыз…



немесе өзіңіздің біздің есепке аударғыңыз келген соманы жазыңыз

Думан Терликбаев
Шет тілдер және іскерлік карьера университетінің студенті. Республикалық "Жас Алаш" газетінде журналист-фрилансер қызметін атқарған.