Bellingcat Украина елді мекендерінде кассеталық оқ-дәрісі бар артиллериялық зымырандардың құлаған жерін анықтады. Журналистер снарядтың ұшу бағытын болжап, снарядты қай тарап қолданғанын зерттеп көрді.
Бұл үшін ашық деректердегі фото және видео материалдардағы құлаған кассеталық оқтың бөлшектері зерттелген. Сонымен бірге, зымыранның ұшу бағытын болжау үшін жерге құлаған бұрышы есептелген.
«Қазіргі уақытта Ресей БМ-27 “Ураган” және БМ-30 “Смерч” бірнеше зымыран жүйесі (MLRS) үшін кассеталық оқ-дәрісі бар зымыран пайдаланған секілді. Мұны осы жүйенің әрқайсысына тән оқ-дәрілер арқылы анықтауға болады», – деп зерттеу авторлары Харьковта жолға құлаған жеті зымыранның бөлшектері жайлы мәліметке сүйене отырып болжайды.
These remains of rocket motors from BM-30 multiple rocket launcher rockets have been documented in various civilian areas, and considering these are usually associated with cluster munition use it raises concerns of cluster munitions being used by Russia in civilian areas. pic.twitter.com/zNstU53KoQ
— Eliot Higgins (@EliotHiggins) February 25, 2022
Зерттеу авторлары зымырандардың солтүстіктен, яғни, солтүстік-шығыс бағыттан келгенін анықтады. Украина бұл жақта Ресеймен шектеседі.
Сонымен бірге, Bellingcat Харьковтан батысқа қарай 100 шақырым жерде орналасқан Ахтырка қаласындағы балабақшаға құлаған кассеталық оқты зерттеген.
Russian missile hit kindergarten pic.twitter.com/mrbwzvwYWJ
— Олександр Мережко (@ChairOlek) February 25, 2022
Bellingcat дерегінше, кассеталық оқ-дәрілер — нысанаға ұсақ жарылғыш оқ-дәрілерді шашатын қару. Ол кең аумаққа таралып, жарылады. Кейін салдарынан шығын көп болады. Жүзден астам ел кассеталық оқ-дәрілер туралы конвенцияға қол қою арқылы оларды пайдалануға тыйым салды. Алайда Ресей де, Украина да бұл конвенцияға қосылмаған.
Ресей кассеталық оқ-дәріні 2014 жылы Украинаның шығысында, кейін Сирияда қолданды. Украина 2015 жылы елдің шығысындағы Ресей қолдайтын сепаратистермен қақтығыс кезінде кассеталық оқ-дәрілер қолданғанын жоққа шығарды. Ал Human Rights Watch мұндай оқ-дәрілер қолданылуы мүмкін екенін хабарлаған.
Пікір қалдыру үшін өз аккауныңызға кіріңіз.