26 тамыз күні Whatsapp мессенджерінің қазақстандық қолданушылары арасында 2019/20 оқу жылы 31 мамырға дейін созылып, көктемдегі демалыс уақыты ең қысқа мерзімде болады деген хабарлама тараған болатын. Хабарлама мәтіні төмендегідей:
1 тоқсан — 1 қыркүйектен 31 қазанға дейін, екінші тоқсан — 10 қарашадан 24 желтоқсанға дейін, үшінші тоқсан — 12 қаңтардан 29 наурызға дейін, төртінші тоқсан — 6 сәуірден 31 мамырға дейін
Factcheck.kz Whatsapp-та тараған хабарламаның рас-өтірігін тексерген болатын.
Үкім: Жалған
Желіде көрсетілген сілтеме Беларусь елінің Адукар білім беру орталығының тиесілі. Беларусь елінің Білім министрлігінің сайтында 2019/20 оқу жылының күнтізбесі уатсап желісінде тараған хабарламадағыдай.
Қазақстандағы оқу жылы ҚР Білім және ғылым министрінің 2019 жылғы 29 шілдедегі № 337 бұйрығы бойынша:
1) 2019 – 2020 оқу жылының басталуы – 2019 жыл, 1 қыркүйек;
2) Оқу жылының ұзақтығы 1-сыныптарда – 33 оқу аптасы, 2-11 (12)- сыныптарда – 34 оқу аптасы. Мереке күндеріне түскен сабақтар оқу бағдарламасы мазмұнының кіріктірілуі ескеріле отырып, қайталауға арналған сағаттар есебінен келесі жұмыс күндеріне ауыстырылады.
3) оқу жылы барысындағы каникул кезеңдері:
1-11 (12) – сыныптарда: күзгі каникул – 7 күн (2019 жылғы 28 қазан – 3 қарашаны қоса алғанда), қысқы – 10 күн (2019 жылғы 30 желтоқсан – 2020 жылғы 8 қаңтарды қоса алғанда), көктемгі – 13 күн (2020 жылғы 21 наурыз – 2 сәуірді қоса алғанда);
1-сыныптарда: 7 күн мерзімде (2020 жылғы 3-9 ақпанды қоса алғанда) қосымша каникул белгіленеді.
Соңғы кездері әлеуметтік желілер мен мессенджерлерде жалған не шындыққа сәйкес келмейтін ақпарат жиі таралуда. Егер де сенімсіз хабарлама кездестірсеңіз бізге жолдаңыз:
Telegram желісіндегі чатқа өту үшін сілтемені басыңыз немесе сайтымыздағы “кері байланыс” бөлімін пайдаланыңыз.
Пікір қалдыру үшін өз аккауныңызға кіріңіз.