АҚШ президенті Дональд Трамп өзінің Twitter парақшасында Сассекс герцогинясы Меган Маркл жайлы айтқан жағымсыз сөзін фейк жаңалық деп атады. Оның айтуынша ханзада Гарридің жұбайын ешқашан “жиіркенішті” деп атамаған.
Америка президенті твиттерде «Мен Меган Марклды ешқашан “жиіркенішті” деп атаған жоқпын. Бұл фейк жаңалық жасайтын БАҚ-тардың ісі. CNN, New York Times және басқа басылымдар кешірім сұрайды ма? Оған сенімді емеспін» деп хабарлады.
I never called Meghan Markle “nasty.” Made up by the Fake News Media, and they got caught cold! Will @CNN, @nytimes and others apologize? Doubt it!
— Donald J. Trump (@realDonaldTrump) 2 июня 2019 г.
https://platform.twitter.com/widgets.js
Үкімі: Жалған
Трамп оның Меган Марклға қаратып айтқан сөзін алғашқы болып жариялаған The Sun басылымы жайлы ештене айтпады. Себебі The Sun сайтында Трамптың сұхбат барысында Маркалды nasty (жиіркенішті, жағымсыз) деп айтқанын дәлелдейтін аудиожазба жарияланды.
Аудиожазбаға қарағанда Трамп Марклға бағытталған сынға жауап берді. Трамп бұл жайлы бірінші рет естіп тұрғанын айтты. Маусымның 1-і күні жарияланған аудиожазбада Трамптың :
«Мен мұны білмедім. Не дей аламын? Оның жиіркенішті екенін білмедім» деген сөздері жазылған.
Трамп CNN мен New York Times сайттарын осымен бірнеше рет «”жалған ақпарат” өндірушілер» деп атап келеді. Президенттің бұл сөзіне оқырмандары сенеді. Алайда бұл жолы АҚШ президентінің өзі жалған сөйлеп отыр.
Пікір қалдыру үшін өз аккауныңызға кіріңіз.