Сорос Қазақстан қоры, Канадалық SecDev Foundation және т.б. (ұйымдастырушылардың толық тізімі төменде көрсетілген) ұйымдастырушылардың қолдауымен «Цифрлы азаматтық» хакатонға өтінім қабылдау басталды. Жобаға IT-мамандар, құқық қорғаушылар, дәрігерлер, студенттер, бизнес және жастар ұйымдарының қызметкерлері, бастамашыл топтар мен белсенділер, сонымен қатар адам саны 3-тен 5-ке дейінгі fullstack командалары қатыса алады.
Идеялар мына бағыт бойынша қабылданады:
- Азаматтардың цифрлы бағыт бойынша ат салысуын кеңейту:
- Мемлекеттік органдар жүргізіп отырған цифрлы деректер мен статистикаға қолжетімділікті талдауды, объективті өңдеуді және олардың кеңінен таралуын жақсартуға арналған шешімдер мен бастамалар;
- Мемлекеттік органдардың ашықтығы мен есеп беруін және инновациялы цифрлы бастамалар арқылы азаматтармен өзара қарым-қатынасты арттыру;
- Қоғамға маңызы бар дүниелер: дәріханаларда дәрі-дәрмектердің болуы, ресми емдеу хаттамалары, еріктілердің ұйымдары және олардың қызметі, гуманитарлық көмектің бөлінуі, сондай-ақ медициналық мекемелердің болуы және орналасқан жері туралы расталған ақпаратқа цифрлы қол жеткізу;
- Цифрлы дағдылар бойынша бастамалар;
- Қазақстандықтар арасында цифрлы қауіпсіздік мәселелері жөнінде хабардар болу мен базалық білімді арттыруға арналған техникалық шешімдер немесе науқандар;
- Интернеттегі жалған ақпараттың қауіпін анықтауға және олармен жұмыс істей білуге баса назар аудара отырып, азаматтардың медиасауатын арттыру;
Қалай қатысуға болады?
- Өзіңіз ойлап жүрген идеяңызды жобаға айналдырыңыз;
- Мына сілтемедегі шарттарды толтырыңыз;
- Байқау ұйымдастырушыларының байланысын күтіңіз;
Іс-шара онлайн форматта өтеді
Конкурсты өткізу күндері:
- Өтінім қабылдау уақыты 26 тамыздан 18 қыркүйекке дейін;
- Қазылар алқасы 22 қыркүйекке дейін барлық жұмыстармен танысып, 50 жобаны іріктейді. Олар хакатонға қатысады;
- Хакатон 28-30 қыркүйек аралығында өтеді;
- Жоба таныстырылымы мен BootCamp-қа командаларды іріктеу 1 қазанға жоспарланып отыр;
- BootCamp – 12-15 қазан аралығында өтеді;
- Жобалардың қазылар алқасы алдындағы қорытынды таныстырылымы мен жеңімпаздарды іріктеп алу – 16 қазанда;
- Грант қоры – 20 млн теңге. Бұл ақша ең үздік идеяларды ұсынған бірнеше командалардың арасында бөлінеді.
- Жоба сайтына мына сілтеме арқылы кіре аласыз.
Ұйымдастырушылар: Сорос Қазақстан, Канадалық SecDev Foundation
қоры, «Касперский зертханасы», Кибер шабуылдарды
талдау және тексеру орталығы (КШТТО), Қазақстанның жастар ақпараттық қызметі (ҚЖАҚ).