Алматы қаласының бас санитар дәрігері Жандарбек Бекшин Алматы қаласындағы коронавирус инфекциясына қатысты қазіргі эпидемиологиялық жағдай туралы хабарлады. Бұл туралы StopCovAlmaty телеграм каналы хабарлады.
Вирус жұқтырғандардың жас шамасы:
14 жасқа дейін – 21
15-19 жас – 43
20-29 жас ‒ 212
30-39 жас ‒ 129
40-49 жас ‒ 116
50-59 жас ‒ 115
60 жас және одан жоғары – 42
Оның ішінде:
1. Студент – 40
2. Мектеп оқушысы ‒ 15
3. Басқа елден келгендер ‒ 38
4. ҚР ҰҚК Шекара қызметі академиясының курсанттары ‒ 67
5. Авиация қызметкерлері ‒ 2
6. Зейнеткерлер ‒ 40
7. Жұмыс істемейтін адамдар ‒ 55
8. Жұмыс істейтін адамдар ‒ 42
9. Медицина қызметкерлері – 383
Сонымен қатар дәрігер Орталық қалалық клиникалық аурухана дәрігерлерінің жаппай жұқтыру жағдайына пікір білдірді.
Оның айтуынша тексеріс әлі аяқталмады, сондықтан нақты қорытынды айту қиын. Дегенмен ауруханада вирус қай жерден тарай бастағаны туралы дерек бар. МРТ, КТ жасайтын диагностикалық процедуралар бөлімшелері тексерілді. Вирус жұқтырғандардың алғашқылары осы бөлімшеден шыққан. Емделушілерге көмек көрсеткен медбике де осы бөлімшеден шыққан.
Бекшин вирус жұқтырған Алматы Қоғамдық денсаулық басқармасының жаңа басшысы Камалжан Надыров Қарағанды, Жамбыл, Алматы облыстарына барып, бір күндік сапармен Алматыға келгенін хабарлады. Онымен байланыста болған барлық адамнан сынама алынды. Нәтижесі әлі белгісіз.
