Е-Polisia KZ мобильді қосымшасы іске қосылады

Алматы қаласының полиция департаменті “E-Polisia KZ” мобильді қосымшасын іске қосты. Қосымша арқылы азаматтар қала бойынша жүріп-тұруға рұқсатының бар-жоғын тексере және полицияға өтініш бере алады. Бұл жайлы Алматы қаласы әкімдігінің баспасөз қызметі хабарлайды.

Алматы қаласының полиция департаментінің бастығы полковник Қанат Таймерденовтың айтуынша қосымшаның осы кезеңдегі басты артықшылығы – ЖСН және көліктің мемлекеттік тіркеу нөмірі бойынша КВИ-мен күрес жөніндегі жедел штабтың арнайы дерекқорында болуын тексеру мүмкіндігі.

Енді кез келген азамат өзінің смартфоны арқылы аталған базада бар-жоғын тексеріп, карантин кезінде қалада жүріп-тұруына рұқсат етілгенін көре алады.

Сонымен қатар қосымша арқылы онлайн-режимде полицияға өтініш беруге, төтенше жағдай кезінде жедел белгі жіберуге болады. Қосымшада коронавирус бойынша өзекті ақпаратпен танысуға болады.

Қосымшаның басты бетінде аудандық полиция басқармалары мен бөлімдерінің, сондай-ақ учаскелік пункттердің орналасуы туралы мәлімет бар.

Обьективтілікті сақтау үшін Factcheck.kz редакциясы жарнамадан бас тартып, мемлекеттен, ірі компаниялар мен саяси топтардан алшақ болу принципін ұстанып, тәуелсіздігін сақтап келеді. Қазір Factcheck.kz сіздердің қолдауларыңызға мұқтаж. Оқырмандарымыздың біздің шотқа аударған қаржысы – фактчекер-журналистер, аудармашылар мен ұжымның басқа мүшелеріне еңбекақы, қаламақы төлеу үшін қажет. Олар ары қарай да тоқтамай еңбек етіп, шындықты, жалған мен манипуляциядан ажырата бермек. Біз сенімді дереккөзден тексерілген тәуелсіз ақпарат алуға әркімнің құқы бар екеніне сенеміз.


Өтінеміз, кез келген сомманы таңдаңыз…



немесе өзіңіздің біздің есепке аударғыңыз келген соманы жазыңыз