ДДСҰ: коронавирус Қытай зертханасында қолдан жасалмаған

Дүниежүзілік денсаулық сақтау ұйымы (ДДСҰ) сейсенбі күні өткен брифингте қолда бар барлық дерекке сәйкес өткен жылдың соңында пайда болған коронавирус Қытай зертханасында емес, жарқанаттарда пайда болғанын мәлімдеді. Бұл жайлы Reuters хабарлайды.

Женевада өткен брифингте ДДСҰ баспасөз хатшысы Фадела Чейб қолда бар барлық мәліметтер вирус зертханада емес, жануардан шыққанын хабарлады. Оның айтуынша вирусты қолдан жасады деуге әлі негіз жоқ. Дегенмен, вирустың зертханадан “қашып кету” ықтималдығы туралы сұраққа Чейб жауап берген жоқ.

Чейб вирус жануардан адамға қалай жұққаны әлі белгісіз екенін айтты. Оның айтуынша мұны анықтау үшін біраз уақыт керек. Ал Ухань вирусология институты вирусты синтездегені немесе оның “қашып кетуіне” мүмкіндік бергені туралы қауесетті жоққа шығарды.

АҚШ президенті Дональд Трамп вирустың Қытайдағы Ухань қаласындағы зертханадан шығып-шықпауын анықтауға тырысатынын мәлімдеген еді.

Президент Трамп ұйымды “бұл жағдайды басқара алмады және коронавирустың таралуын жасырды” деп айыптап, БҰҰ коронавирус пандемиясына қарсы күрес жөніндегі агенттігін қаржыландыруды тоқтатты.

Обьективтілікті сақтау үшін Factcheck.kz редакциясы жарнамадан бас тартып, мемлекеттен, ірі компаниялар мен саяси топтардан алшақ болу принципін ұстанып, тәуелсіздігін сақтап келеді. Қазір Factcheck.kz сіздердің қолдауларыңызға мұқтаж. Оқырмандарымыздың біздің шотқа аударған қаржысы – фактчекер-журналистер, аудармашылар мен ұжымның басқа мүшелеріне еңбекақы, қаламақы төлеу үшін қажет. Олар ары қарай да тоқтамай еңбек етіп, шындықты, жалған мен манипуляциядан ажырата бермек. Біз сенімді дереккөзден тексерілген тәуелсіз ақпарат алуға әркімнің құқы бар екеніне сенеміз.


Өтінеміз, кез келген сомманы таңдаңыз…



немесе өзіңіздің біздің есепке аударғыңыз келген соманы жазыңыз