Украинаның Буча және Ирпень қаласы Ресей әскерінің бақылауында болған кезде ондаған бейбіт тұрғын флешет жебесінен қаза тапқан. Бұл туралы британиялық The Guardian газеті Украинаның сот-медициналық сарапшыларына сілтеме жасап хабарлады.
Атап айтқанда, флешеттер қаза тапқандардың басы мен кеудесінен табылған.
Флешет — ұзындығы 3-4 сантиметр металл жебе. Мұндай қаруды артиллерия немесе танк снарядтарына (бір снарядқа сегіз мың жебеге дейін) орналастырылады. Снаряд атылған соң 100 метр қашыққа дейін жан-жаққа шашырайды.
#Ukraine: The remains of a Russian artillery position in #Kyiv Oblast.
— 🇺🇦 Ukraine Weapons Tracker (@UAWeapons) April 10, 2022
One Russian 2S1 Gvozdika SPG can be seen totally destroyed, along with many 3Sh1 122mm flechette and 3BK13/3BK6 series HEAT-FS-T projectiles. (Thank you @blueboy1969 for assistance) pic.twitter.com/NJM3fuYyOD
Мұндай қару 20 ғасырдың басында ойлап табылған. Бұған қоса бірінші дүниежүзілік соғыс кезінде қолданылған. Жалпы флешетті қолдануға тыйым салынбаған. Десе де, оны халық тығыз орналасқан аймақтарда пайдалану гуманитарлық құқықты бұзады.
Бұған дейін 18 сәуірде америкалық The Washington Post басылымы Бучада флешет қолданылғанын хабарлаған. Сол кезде Украина Құрлық әскерінің қолбасшылығы украин армиясы флешет пайдаланбайтынын мәлімдеді.
Пікір қалдыру үшін өз аккауныңызға кіріңіз.