Amnesty International құқық қорғау ұйымы “хаттар марафоны” атты жыл сайынғы құқық қорғау акциясын бастады. Бұл акция бойынша кез келген адам әлемнің түкпір-түкпірінен құқығы бұзылғандарды қорғау мақсатында хат жібереді.
“Марафон” кейіпкерлерінің тізіміне Qaznews24 сатиралық парақшасының авторы Темірлан Еңсебек те енді. Темірлан — “хаттар марафонының” тізіміне енген алғашқы қазақстандық.
Адам құқығын қорғайтын Amnesty International ұйымының ресми сайтында Темірлан Еңсебекті қудалауды тоқтатуға шақыратын петицияға қол жинап жатыр.
2021 жылдың 15 мамырында Instagram-да @qaznews24 сатира парақшасының авторы Темірлан Еңсебек ұсталды. Оның үйіне тінту жүргізіп, кейін оны Алматыдағы полиция департаментіне жеткізіп, бірнеше сағат жауап алған. Қазіргі уақытта тергеу ҚР ҚК 274-бабы бойынша жүріп жатыр.
