28 қарашада Алматыда Абай ескерткішінің маңына Oyan, Qazaqstan жастар қозғалысының өкілдері жиналып, бірнеше күн бұрын қайтыс болған ақын Арон Атабекті еске алды. Бұл туралы Азаттық радиосы хабарлады.
Белсенділер Арон Атабектің өлеңдерін оқып, “Шаңырақ ісін” қайта қарауды талап етті. Митиңге Арон Атабектің қызы Айдана Айдархан да қатысты. Айдана Айдархан әкесі дамуына үлес қосқан демократия үшін күресті жалғастыруға шақырды.
Әкімдік өкілдері келіп, шараның заңсыз екенін ескерткен. Шараға жастардан бөлек, ересек буын өкілдері де келген.
Акция соңына қарай белсенділер Абай ескерткішінің алдына Атабектің суреті мен гүл шоқтарын қойып, бір минут үнсіз тұрды.
68 жастағы диссидент, ақын Арон Атабек 24 қарашада Алматы қаласындағы ауруханада көз жұмған. 26 қарашада оның денесі жер қойнына тапсырылды.
Пікір қалдыру үшін өз аккауныңызға кіріңіз.