Денсаулық сақтау министрлігі желіде адамдарды “улап”, олар пневмония және бронхитпен ауырып жатыр деген фейк тарағанын хабарлады.
“Тұмау мен ЖРВИ жағдайы бақылауда. Жалпы, қазіргі жылдың 1 қазанынан бастап өткен жылғы дәл сол уақыттағы жағдаймен салыстырғанда ЖРВИ-мен сырқаттанудың 20% – ға төмендегені байқалады. Зертханалық расталған тұмаудың 400-ге жуық жағдайы тіркелді. Тұмауға қарсы 2 миллионнан астам адамға екпе салынды”, – делінген министрлік хабарламасында.
Ведомство қазақстандықтардан жалған ақпарат таратпауды сұрап, ресми дереккөздерге ғана сенуге шақырды.
