2023 жылғы қарашадан бері Израиль премьер-министрі Биньямин Нетаньяху аурухана төсегінде өкпе желдеткішіне қосылған суреті тарады. Full Fact қолданушылар фотоны “Нетаньяхудың денсаулығында күрделі мәселелер бар” деген контексте жариялады деп жазды.
Басылым cурет жақында Facebook-те шыққанын, бірақ кем дегенде 2023 жылдың қараша айынан бастап TikTok-та кеңінен тарағанын анықтады.
Бірақ расымен де Нетаньяхуға 2024 жылғы наурыздың аяғында жарықты жою операциясы жасалған. Дегенмен ол ауруханаға жатқаны жөнінде ешқандай ақпарат жарияланған жоқ, әрі жақында премьер-министр көпшілік алдына бірнеше рет шықты.
Full Fact бұл сурет ЖИ көмегімен жасалған болуы мүмкін деп мәлімдеді. Өйткені суреттегі ер адамның сол жақ құлағының пішіні Биньямин Нетаньяхудың фотоларында көрінетін сол жақ құлақтың пішініне сәйкес келмейді.
Одан бөлек, ЖИ жасаған кескіндерде адамның бет-әлпеті тым тегіс немесе жылтыр болып көрінеді. Бұл тұрғыда Нетаньяхудың ауруханадағы суреті — ЖИ өнімі екеніне тағы бір дәлел.
Басты беттегі сурет The Times of Israel порталынан алынды.
Пікір қалдыру үшін өз аккауныңызға кіріңіз.